Zumtu Taktak Cu An Lung Dong Kho Lo

Khrihfa Hlabu 800 leng a kan ttial piaktu Fanny Crosby`s hi kum 6 a si ah a mit a rak caw. A chan chung mit loin a rak nung mi asi.

>Zumhnak kan timi hi mit in rak zumh phun khi sisehlaw, kei cu vawlei cungah mi vanchia bik ka rak si hnga. Asinain, Pathian zumh kan timi cu leng lei mit in si loin, chung lei mit tuin a si caah Pathian min ka thangtthat e a rak ti.

>Vawlei ah hin, duhthim ding ngei ning sehlaw, mit-cawt “Blind” kaa thim ko lai.A ruang cu Van cung Khua ka kai tik ah ka mit in ka hmuh hmasa bik te dingmi cu keimah a ka khamhtu Jesuh Khrih asi te lai ati. ~ Sifak nih mirum va hnger lo, kut a ngei lomi pa nih kut a ngei mi pa va hnger lo le mit a caw mi nih Bawipa yiah kei ka mit a cawt tung tiah Pathian mawhchiat lo le biahal lo hi zumtu hna kan lungput asi awk si.

> Caan tampi cu, Pathian nih a kan pekmi kan sining te le kan dir-hmun te ah kan i lungsi tawn lo ruangah, kan tinco hnga mi thluachuah vialte kan sungh dih nak asi tawn.~ Cucaah, mah le sining tawk te ah lungsi hna ngam in a um i Bawipa kaa lawm tuk a ti kho mi zumtu cungah hin, Pathian a lung aa lawm tuk ve tawn!

Salai van tha uk Mdiv