Bible chung kan luh hlan ah zeitluk in dah American (US) nih vawlei pi hi a hip khawh timi hi kan biatlang he aa pehtlai in chim ta ning law. USAID (United State Agency for International Department) ti mi tha tein rian an ttuan khawh lio, a bik in Democratic Party nih an hruai lio ah cun heh tiah ram tampi ah rian an ttuan I NGO riantuannak hmang in khuaza kip ah an kal I nu le pa tluk ruannak kong hi an kan cawnpiak tawn.
Committee paohpaoh ah nu tel lo ngah lo ti bantuk, pabu hmanh ah nu pakhat tal I tel ding dawh khin kan um cang, laitlang lei ah cun biatak tein kal pi mi ah a cang. Cawnpiak tuk ve hrat kan ti cu mikip thin lung ah nu upat deuh nak le an mah nu zong nih pa he kan I khat ko ti mi lungput le Khrihfa upa ttuan zong duh ve lai bantuk, khuabawi zong aa cuh lai bantuk in le ralbawi ca zong ah nu thim ti bantuk hna hi kan hun ton ngai mi le mibu kip nih ceih ngaimi ah a hung cang.
US president Donald Trump a vun si hnu hin phun dang deuh in a um lai bantuk a vun lo than, zeidik a lawh te lai cu. Bible cu khrihfa kan caah lam hruaitu a si ding hrimhrim a si ko. Cucu a langtlang in US nih ramkip a kan hip khawhnak te nu le pa kong ah vun ttawh taak ka duh.
Nu hi Pastor le Cawnpiaktu a si kho maw ti hi Bible in vun zoh tuah hna usih. Khrihfabu kan I dan cio bantuk in Bible kan leh/hmuh ning cio zong adang cio hna.
Nu zong Pastor le cawnpiaktu an si kho ve ko ti a cawnpiaktu hna hmuh ning
Judges 4:4-5- Israel miphun nih nu le ngakchia cu milu rel zong ah an telh hna lo lio ah Prophet le Biaceihtu ah Pathian nih pa tam pi lakah Deborah a hman.
Phoebe (Acts 18:26) Khrihfaupa (Diakonos) khrihfabu thok ka ah Nu zong Deacon an si ve ko.
Priscilla (Acts 18:26) Priscilla nih thawngtha a chim lio mipa, Apollos kha a cawnpiak.
Khrih ah kan I khahnak
Galatians 3:28 Nu le pa thleidannak sal le bawi thleidannak vialte hi Jesuh ah a um ti lo.
Joel 2; Acts 2:17-18 Nan fanu hna le nan fapa hna nih bia an phuan lai pa lawng a ti lo.(Thawngtha an chim lai)
Nu pastor kongah Bible Cawnpiak ning
Nu cu cawnpiaktu le pa cung I nawl ngeitu si dingah ka onh hna lo (1Tim.2:12).
Nu cu biakinn chungah bia chim ka onh hna lo dai tein an um awk asi (1Cor.14:34-35).
Nu Pastor he Pehtlai in Hmuhning Dangdang
Nu Pastor a Cohlang lo mi bu (Complementarianism tiah auh an si)
Southern Baptist, Roman Catholics, Eastern Orthodox le protestant khrihfabu dangdang hna nih Nu le pa cu minung kan sinak man ah cun kan I khat nain Pathian nih a kan pek mi rian aa dang.
Note. Southern Baptist cu Democratic Party nih an vun en khawh deuh rua hna 2024 ah Nu pastor an hun pom than.
Nu Pastor a Cohlangmi Bu (Egalitarianism tiah auh an si)
Methodist, Pentecostals le Khrihfabu dangdang nih Nu le pa cu minung kan sinak man ah siseh kan rian tleih mi ah siseh kan I khat dih ko tiah an cawnpiak I Nu pastor zong an I ngeih hna.
Nu pastor Bible nih a onh maw onh lo ti ah cun Bible kan hmuh ning ah aa tthum mi a si. A onh lo a ti mi zong nih Bible in an chim I a onh a ti mi zong nih Bible an I tleih ve thiamthiam. Ca tialtu hmuh ning ah cun Nu hi Pathian nih voi tampi a herhnak zawn tete le phun dang deuh te in pa nak zong in a hman deuh mi an um tawn ko nain Pastor kong ahcun Bible cawnpiak ning hi a fiang ngai ko tiah ka hmuh. By Pastor Dawt Chum Ling
Na hmuh ning rak ttial ve te…………
Discover more from Bible Chung Ah Thuh Mi Biathli
Subscribe to get the latest posts sent to your email.
