Jepthah nih A fanu Raithawinak ah A Hmang maw?

Jepthah Nih A Fanu Raithawinak Ah A Hmang Maw?

Kan ngakchiat lio tein Jepthah le a fanu tuanbia hi kan theih lengmangmi a si caah tampi in an tuanbia ka ttial lai lo. Jepthah nih a fanu fangkhat te lawng a ngeihmi Pathian sinah Raithawinak ah a hman tiah kan rak theih tawnmi kha si dawh a si maw?Hi kaa ahhin hun zohtti tuah hna usih.

Pathian nih Israel miphun hi BC 1200-1050 hrawng lio ahhin Biaceihtu hmang in a rak hruai hna. Jepthah cu Israel miphun hna I an biaceihtu pa 12 lakah a a pariatnak biaceihtu a rak si. Biaceihtu 11:29-40 ah, Jepthah nih Ammon mi hna tuk awk ah aa thawh lai ah Pathian sinah biakamnak a tuahmi cu Bawipa Ammon mi hna hi ka kut chungah na ka pek ahcun ka kir tikah ka innkaa chung in a rak chuakmi ka hmuh hmasa bik in na sinah ah raithawinak ka tuah lai tiah a ti.

Pathian nih Ammon mi hna cu Jepthah kut chungah a pek taktak. An ram ah Jepthah cu a ralkap hna he an hung kir tikah, A fanu fangkhat a dawt tukmi nih a rak don ai. Maw ka fanu niam tukah na ka thlak ai Pathian sinah bia kaa kam cang leet awk nih le a tha lo tiah a ti. A fanu nih cun ka pa Pathian sinah bia naa kammi cu na bia ning bantuk in tuah ko sihmanhsehlaw ka hawi le he tlangcung ah thlahnih cu ka virgin sinak kan va ttahpi ta rih lai a ti I, thlahnih chung cu a hawile he an va cuaipi ti a si.

Tlang cung cun an rak kir I ka pa na kaachuakbia cu tuah cang ko law a ti I Jepthah nih a biakam ning bang in a tuah I, PA NIH AN HNGAL LO tiah a ti.

Baibal thiamsang tampi an an I al ngaimi baibal cacaang a si. THiamsang cheukhat nih an ti mi cu, “Pathian nih Moses nawlbia hrimhrim ah minung in raithawi cu fakpi in a dohmi a si (Lev. 18:21;Deut. 12:31). Cucaah Jepthah nih Pathian sinah bia aa kam I a tuahmi cu Biaceihtu 11:39 nak I pa nih an hngal lo a ti mi hi a si” tiah a ti. Jepthah fanu cu a nun chung vialte va ngei lo in le tefa ngei lo in Pathian rian caah aa pe.

Thiamsang cheukhat nih an ti ve mi cu, “Hi ka ah Jepthah nih raithawi a chimmi hi kanghthawinak bak kha a chimmi a si. Bia aa kam ning tein a tuah tiah Baibal chungah aa ttial, cu a biakam cu a kanghthawinak tuah kha a si. Cucaah ahcun pei Israel miphun nih kum fatin te nungak vialte nih nili chung amah philh lo nak ah an tuah lengmang cu”  tiah an ti ve

Jepthah cu a fanu hmanh raithawinak ah a pek sian tiah ka thaw tuk in cun chim ngam phun a si deuh rua lai lo hih…